Þjóðminjasafnið Suðurgötu - Veggur
Þar sem rósir spruttu í snjó
Vassilis Triantis
22.1.2022 - 1.5.2022

Þar sem rósir spruttu í snjó, sýning á ljósmyndum Vassilis Triantis. Sýningin er samsett úr ljósmyndum Vassilis sjálfs og myndum úr fjölskyldualbúmi tengdaforeldra Vassilis, þeirra Ástu og Gústa sem lengi voru rósabændur í Laugarási í Biskupstungum. Sýningin er virðingarvottur við líf og starf þeirra hjóna og endurspeglar minningar um rósir sem spruttu í snjó.

Vassilis Triantis er fæddur á Grikklandi en býr og starfar í Hollandi. Hann sótti sér menntun í líffræði en starfar nú að rannsóknum í líffræði og ljósmyndun jöfnum höndum. Hann hefur tekið þátt í sýningum víða og hlotið viðurkenningar fyrir verk sín.