Ásmundarsalur
Loftþétt
Klængur Gunnarsson 

Hrafn Hólmfríðarson Jónsson
15.1.2022 - 30.1.2022
Hversdagsleikinn býður, að því er virðist, upp á óendanlega möguleika til athafna - eða það hefur í það minnsta verið frásagnaform samfélags okkar í lengri tíma. Í raun og veru eru það takmarkanir sem mynda skapalón daglegs líf og á hverjum degi reynum við að finna aðferðir til að ráfa um innan þessa takmarkana. Þessar aðferðir geta verið einfaldar, til dæmis að dást að
sólsetri eða skýjum á himni - eða þá eitthvað stórbrotið líkt og skíðastökk.

Laugardaginn 15. janúar opnar sýningin Loftþétt í Ásmundarsal. Að sýningunni standa Klængur Gunnarsson og Hrafn Hólmfríðarson Jónsson (Krummi). Í verkum sínum takast listamennirnir á við hversdagslega tilburði, fyrirbæri og staði. Sýningin veltir fyrir sér lágstemdum möguleikum í
hversdagsleikanum og hátíðlegum áformum um uppbrot hans.

Í vinnuferli sínu veitir Hrafn sínu nánasta umhverfi sérstaka athygli. Fyrir sýninguna vinnur hann með vistarverur sínar og þær líkamlegu takmarkanir sem hann glímir við sem afleiðingu af heilablóðfalli sem hann varð fyrir á táningsaldri. Í verkum sínum veltir Klængur fyrir sér hversdagslegum leiða og möguleikum manneskjunar til að rétta leiðann af - bæði frá degi til dags og við dagamun.

www.klaengur.org
www.krummijons.com